Press "Enter" to skip to content

Блескав црвен тепих на 26-тото издание на Скопје Филм Фестивал

Фото извор: faktor.mk

Фото извор: faktor.mk

Со гламурозен црвен тепих пред Македонскиот народен театар свечено беше отворено 26. издание на Скопје Филм Фестивал. Настанот привлече бројни познати личности од домашната и регионалната јавна сцена, меѓу кои српскиот актер и режисер Драган Бјелогрлиќ, пејачката Тамара Тодевска, актерката Ана Стојановска и моделот Катарина Ивановска.

Покрај модниот сјај, отворањето го одбележа и доделувањето на нововостановената награда „Златна Скополија“ за исклучителен придонес во светската кинематографија. Први добитници на ова признание се полските филмски автори Малгоржата Шумовска и Михал Енглерт, по што фестивалот официјално започна со проекција на нивниот најнов филм „ИДИОТ(и)“.

Годинашното издание нуди модернизиран концепт со изразено меѓународно присуство. Во Скопје гостуваат истакнати имиња од европската филмска индустрија кои се дел од меѓународното жири, како и бројни режисери со кои публиката ќе има можност за непосредни средби и мастерклас-сесии.

Фестивалот ќе трае до 9 ноември, претворајќи го Скопје во средиште на филмската уметност со богата програма на премиери и фестивалски фаворити. Проекциите се одржуваат во Македонскиот народен театар и киното „Фросина“, додека фестивалскиот центар е сместен во Младинскиот културен центар.

Повеќе во категорија ЖивотПовеќе постови во категорија Живот »
Повеќе во категорија КултураПовеќе постови во категорија Култура »
Повеќе во категорија ШоубизнисПовеќе постови во категорија Шоубизнис »

Comments are closed.